WATAALAM WA MANISPAA YA ILEMELA WAJENGEWA UWEZO MATUMIZI YA MFUMO WA MANUNUZI WA UMMA

Posted on: May 29th, 2025

Mamlaka ya Udhibiti wa Ununuzi wa Umma (PPRA) kanda ya ziwa, wameendesha mafunzo ya kuwajengea uwezo watumishi wa idara ya afya, watendaji wa kata na mitaa wa Halmashauri ya Manispaa ya Ilemela kupitia  mfumo wa manunuzi wa kielekroniki, National e-Procurement System of Tanzania (NeST).

Mafunzo hayo yamefanyika leo tarehe 29.05.2025 yakilenga kuwajengea uwezo watumishi hao katika matumizi sahihi ya mfumo huo.

Akizungumza wakati wa mafunzo hayo Afisa manunuzi mwandamizi kanda ya ziwa, Ndg. Evaristo Mtilega, ameelezea umuhimu wa matumizi ya mfumo huo ikiwa ni pamoja na uwazi, usiri, thamani ya fedha, uadilifu, ushindindani na uwajibikaji.

Naye Afisa manunuzi msaidizi kanda ya ziwa, Ndg. Jabir Bane amesisitiza wataalam kufuata mtiririko sahihi wa manunuzi ya umma ili kuzuia ubadhilifu pamoja na kubana matumumizi ya fedha za serikali.

Kwa upande wa washiriki wa mafunzo hayo, mtendaji wa kata ya Sangabuye, Ndg. Egno Mayaka amewashukuru wakufunzi kwa mafunzo mazuri na kuahidi kuyafanyia kazi yote waliyoelekezwa.