Kitengo cha Manunuzi na Ugavi ambacho kimeundwa kwa mujibu wa sheria ya Manunuzi Namba 07 ya Mwaka 2011 Kifungu 37 ambapo sheria hiyo inaitaka Taasisi ya Serikali iwe na Kitengo cha Ugavi (Procurement Management Unit).
Kitengo cha Ugavi kinatakiwa kiwe na Mkuu wa Kitengo mwenye elimu aliyo somea ujuzi huo na sifa, uzoefu katika kazi za manunuzi na pia awe amesajiliwa na Bodi ya manunuzi (Professional Body) kama Sheria ya Manunuzi ya mwaka 2011 kifungu Na 37(3) kinavyoeleza.
Kwa mujibu wa sheria, Mkuu wa Kitengo cha Manunuzi na Ugavi ataripoti moja kwa moja kwa Afisa Masuuli (Mkurugenzi) wa taasisi husika.
Afisa Masuuli wa taasisi atahakikisha kwamba Kitengo cha Manunuzi na Ugavi (PMU) kinatengewa fedha kwenye bajeti ili kiweze kutimiza majukumu yake.
Majukumu ya Kitengo cha Manunuzi na Ugavi yametajwa katika Sheria ya Manunuzi ya Umma namba 7 ya Mwaka 2011 Kifungu cha 38 (a-q).kama ifuatavyo:
Kusimamia manunuzi na mauzo ya mali za Halmashauri yote yanayofanyika ndani ya taasisi kwa njia ya zabuni.
Kuwezesha shughuri za Bodi ya Zabuni.
Kutekeleza maamuzi ya Bodi ya zabuni.
Kuwa Sekreterieti kwenye vikao vya Bodi ya zabuni.
Kupanga manunuzi na mauzo ya mali za Halmshauri kwa njia ya zabuni.
Kushauri manunuzi na mauzo ya mali za Halmshauri kwa kuzingatia taratibu za zabuni.
Kukagua na kuandaa maelezo ya mahitaji ya manunuzi.
Kuandaa makablasha ya zabuni.
Kuandaa matangazo ya nafasi za zabuni.
Kuandaa mikataba
Kutoa mikataba iliyokwisha sainiwa kwa wahusika.
Kutunza kumbukumbu ya taratibu za manunuzi na mauzo ya mali za Halmshauri.
Kutunza orodha ama reja ya mikataba yote
Kuandaa taarifa ya manunuzi ya mwezi kwa ajili ya Bodi ya zabuni.
Kuandaa na kuwasilisha taarifa za utekelezaji wa mpango wa manunuzi wa mwaka kwa menejimenti kwa kila robo.
Kuunganisha shughuri za manunuzi na mauzo ya mali za Halmshauri ya Idara mbalimbali ndani ya Taasisi.
