UUNDWAJI WA MABARAZA YA WATOTO

Posted on: October 11th, 2017

Halmashauri ya Manispaa ya Ilemela kupitia idara ya maendeleo ya jamii imeendelea na zoezi la kuunda mabaraza ya watoto katika kata 19.

Kuundwa kwa Mabaraza haya kunaenda sambamba na nia ya Tanzania kukidhi haja ya mikataba ya Kimataifa na kikanda ikiwemo ya Umoja wa Mataifa wa Haki za Mtoto na ule wa Umoja Wa Afrika wa Haki na Ustawi wa Mtoto.

Lengo la kuundwa kwa mabaraza haya ni kuwapa fursa watoto kuelezea hisia zao kwa jamii, kuibua/kubainisha changamoto zinazowakabili watoto, kupenekeza namna ya kutatua changamoto hizo, pia kukumbusha wajibu wa jamii na haki za watoto halikadhalika pamoja kuibua vipaji na uwezo wa watoto kushiriki katika shughuli mbalimbali za jamii.

Lengo jumuishi ni kuimarisha mifumo inayosimamia ulinzi na usalama wa mtoto kwa kutoa taarifa zinazoashiria hatari inayowakabili watoto.

Jumla ya kata 12 za Manispaa ya Ilemela zimeshaundiwa mabaraza ya watoto na kubakiwa na kata 7 ambapo zoezi bado linaendelea.

Mara baada ya kukamilika kwa uundwaji wa mabaraza ya watoto zoezi litakalofuata ni kuwapatia elimu juu ya mabaraza hayo ya watoto