TIMU YA MENEJIMENTI ILEMELA YAKAGUA UTEKELEZAJI WA MIRADI YA MAENDELEO

Posted on: October 16th, 2025

Timu ya menejimeti ya Manispaa ya Ilemela (CMT) iimekagua utekelezaji wa miradi yenye thamani ya takriban shilingi milioni 474.20, zikiwa ni fedha za mapato ya ndani na fedha kutoka serikali kuu.

Miradi iliyokaguliwa ni ya sekta za afya, elimu na viwanda na biashara lengo ikiwa ni kujiridhisha maendeleo ya utekelezaji wa miradi hiyo ili itakapokamilika iweze kuleta tija kwa wananchi wa Ilemela.

Miradi  iliyokaguliwa ni pamoja na; ujenzi wa paa soko la sabasaba, ukamilishaji wa ujenzi zahanati ya bwiru, ⁠ujenzi wa madarasa matatu (03), matundu sita (06) ya vyoo elimu msingi, ujenzi wa madarasa mawili (02) na matundu sita (06) ya vyoo elimu ya awali na ukarabati wa shule ya msingi kitangiri, Ujenzi wa jengo la wagonjwa wa nje (OPD) kituo cha afya kitangiri ⁠uendelezaji wa ujenzi wa ofisi ya kata ya kirumba, ujenzi wa chumba kimoja (01) cha darasa shule ya sekondari kabuhoro na ukamilishaji wa Ujenzi wa vyumba vitatu vya madarasa Shule ya Msingi Tumaini.

Wataalam hao  wakiongozwa na mwakilishi wa  Mkurugenzi wa Manispaa ya Ilemela Dkt. Maria Kapinga kwa pamoja waliridhishwa na maendeleo ya miradi kwa kiasi kikubwa na kutoa ushauri kwa mapungufu yaliyojitokeza huku wakihimiza ukamilishaji wa miradi hiyo katika muda uliopangwa.