MBUNGE WA JIMBO LA ILEMELA ASIKILIZA KERO ZA WAFANYABIASHARA SOKO LA SAMAKI MWALONI KIRUMBA

Posted on: January 9th, 2018

Mbunge wa Jimbo la Ilemela Mhe. Dkt. Angeline Mabula akiambatana na Mkurugenzi wa Manispaa ya Ilemela John Wanga pamoja na baadhi ya watendaji, siku ya jumamosi tarehe 6/1/2018 alitembelea soko la samaki mwaloni Kirumba kwa lengo la kusikiliza  kero  na changamoto za wafanyabiashara wa soko hilo. Baada ya kusikiliza kero hizo kutoka kwa wafanyabiashara aitolea ufafanuzi masuala mbalimbali na kisha kutoa maelekezo yafuatayo:

Kuhakikisha kuwa udhibiti wa samaki wanaovuliwa unakuwepo na wavuliwe kati ya Sentimeta 50 hadi 85 na si kinyume na hapo, aidha amewataka wanaokagua samaki hao kuzingatia tu samaki pindi anapokaushwa ni lazima uito utapungua hivyo busara ni lazima zitumike katika suala hilo iwapo tu samaki kama walivuliwa katika sentimeta zinazostahili.

Mhe Mbunge alimtaka Mkurugenzi wa Manispaa ya Ilemela kuwachukulia hatua za kinidhamu baadhi ya watumishi wa serikali wanaohujumu wafanyabiashara wa sokoni hapo.

Aliagiza daraja la pili lijengwe katika soko hilo kwa ajili ya kupakia na kupakua mizigo kupunguza msongamano na hivyo kumuagiza Mkurugenzi kuliweka suala hili katika bajeti ya 2018/2019

Pia Aliagiza kuwa wafanyabiashara wanaouzia bidhaa zao nje ya soko waingie ndani.

Pamoja na hayo alisisitiza kuwa hairuhusiwi mtu yoyote kutoka nje ya nchi na kwenda kununua samaki visiwani na kuzileta katika soko hilo.