MANISPAA YA ILEMELA YAPONGEZWA UTEKELEZAJI WA MRADI WA GREEN AND SMART CITIES SASA

Posted on: July 28th, 2025

Leo tarehe 25 Julai, 2025 timu ya wataalam  kutoka Ofisi ya Rais -TAMISEMI ikiongozwa na Bi Zainab Manyike ambae ni mratibu wa mradi wa Green and Smart City SASA sambamba na Ndugu Essau Amenye mtaalam kutoka shirika la  Maendeleo la Ubelgiji (ENABEL) ambao ndio wasimamizi wa mradi huu wamekutana na mkurugenzi wa Manispaa ya Ilemela Bi Ummy Wayayu 

Lengo la ujio wao ni kupata uelewa namna mradi huu unavyotekelezwa ndani ya manispaa yake lakini pia namna Manispaa ya Ilemela ilivyofanikiwa kushirikiana na wadau wengine hususan VETA, FETA na SIDO kufanya uchambuzi wa vijana watakaopatiwa mafunzo ya kujengewa ujuzi katika vyuo hivyo kupitia ufadhili wa mradi wa Inclu- cities. 

Aidha, wamempongeza Mkurugenzi na timu yake kwa namna wanavyoendesha shughuli za mradi lakini suala zima la ushirikishaji katika kutekeleza shughuli za mradi huu.

Nae Mkurugenzi Ummy amelishukuru Shirika la ENABEL kwa kuja na na mradi wa kuwajengea uwezo vijana kwani  inawatengenezea msingi wa maisha, sambamba na hilo  ametambua jitihada za mratibu wa mradi wa green and smart city Ndugu Ahmed Sakibu na kumtaka kuendeleza jitihada zake katika kuhakikisha mradi huo unakuwa na matokeo chanya kwa jamii ya Ilemela