KITENGO CHA MAWASILIANO SERIKALINI ILEMELA CHAWEZESHWA

Posted on: July 29th, 2023

Kitengo cha Mawasiliano Serikalini Manispaa ya Ilemela, kimepatiwa kifaa aina ya Kamera Anga, 'DRONE', Na uongozi wa Chama cha Mapinduzi Wilaya ya Ilemela.

Akikabidhi kifaa hicho kwa Mkurugenzi wa Manispaa ya Ilemela, Ndugu Yusufu Bujiku ambae ndie Mwenyekiti wa CCM(W) amesema kuwa anatambua Ilemela ambavyo imekuwa ikitoa ushirikiano kwa Chama na hivyo imeona ni vizuri kutoa kifaa hicho kiweze kusaidia Kitengo cha mawasiliano kuendana na mabadiliko ya Teknolojia katika suala zima la uhabarishaji.

Adv.Kibamba Kiomoni amesema serikali inafanya vitu vingi vikubwa ambavyo wananchi wanapaswa kuvifahamu hivyo amekitaka kitengo cha mawasiliano Ilemela kuendeleza jitihada na kuhakikisha kuwa wanazitangaza kazi za serikali kwa kasi, ameyasema hayo wakati akimkabidhi Mkuu wa Kitengo cha Mawasiliano Serikalini Kamera hiyo.

"Tunajivunia ubunifu na namna kazi za habari zinavyofanyika tupo kwa ajili ya kupeana moyo ili mambo yaende,sio kwa kitengo cha mawasiliano tu bali idara na vitengo vingine vyote hapa Manispaa."

Silas Simon ni mwandishi wa habari kutoka YUHOMA online TV yeye anakiri kazi nzuri inayofanywa na kitengo cha mawasiliano Ilemela kutokana na taarifa nyingi kuwa wazi na kupatikana kwa urahisi.

" Kweli mnastahili, kitengo kinafanya vizuri kwa sababu ya uongozi mzuri wa madam Viola ni mfano wa kuigwa kwa kweli.", amesema Silas

Nae Mkuu wa Kitengo cha Mawasiliano Serikalini, Bi Violencia kwa niaba ya watumishi waliopo ndani ya kitengo hicho ametoa shukrani za dhati kwa Uongozi wa CCM Ilemela kwa kutambua kazi inayofanywa na kitengo hicho huku akiahidi kufanya kazi kwa bidii na kuhakikisha wananchi wanafahamu kazi kubwa inayofanywa na serikali katika kuwaletea wananchi Maendeleo.