KAMATI YA HUDUMA ZA UCHUMI ELIMU NA AFYA YAFANYA UFUATILIAJI WA SHUGHLI MBALIBALI ZA MAENDELEO

Posted on: April 21st, 2017

KAMATI YA HUDUMA ZA UCHUMI ELIMU NA AFYA YAFANYA UFUATILIAJI WA SHUGHULI MBALIMBALI ZA MAENDELEO

Kamati ya huduma ya uchumi elimu na afya ya manispaa ya Ilemela imefanya ziara kwa ajili kufuatilia utekelezaji wa shughuli za kimaendeleo katika manispaa kwa robo ya tatu kwa mwaka wa fedha 2016/2017.

Ziara hiyo ililenga kutembelea na kukagua namna kilimo cha mabanda (green house) kinavyoendeshwa katika eneo la Nyamhongolo pamoja na kukagua hali ya utoaji huduma katika zahanati za Kirumba na kitangiri halikadhalika ujenzi wa madarasa katika shule za sekondari na msingi.

Akizungumza katika ziara hiyo Mwenyekiti wa kamati hiyo, Mheshimiwa Sarah Ng’wani  amesema kuwa  ni wajibu kwa wananchi kuchangia shughuli za maendeleo ili kuunga mkono jitihada za Serikali katika kuleta maendeleo ya pamoja kwa jamii

“Sera ya Serikali ni kushirikisha wananchi katika kufanikisha miradi ya maendeleo serikali inapofanya nusu na mwananchi nae achangie nusu iliyobaki hatutaunga mkono mradi wowote wa maendeleo ambao hauna ushiriki wa wananchi, tuwaombe waanze kuchangia shughuli za kimaendeleo na patakapobakia halmashauri itamalizia”, Alisisitiza

Nae ndugu Amosi Zephania akimwakilisha Mkurugenzi wa Manispaa amesisitiza kuwa Serikali haitawavumilia wananchi wanaokwamisha kwa makusudi miradi ya maendeleo sambamba na kuwaomba viongozi wa maeneo yenye changamoto ya uelewa wa wananchi katika kuchangia kushirikisha wataalamu wa manispaa katika kuelimisha jamii juu ya umuhimu wa kuchangia maendeleo

Kamati hiyo pia imedhamiria kuimarisha miradi ya kilimo itakayotoa ajira nyingi kwa vijana katika kukabiliana na tatizo la ajira sambamba na utatuzi wa changamoto zote za miradi inayoendelea ili kuwaletea wananchi wa Ilemela maendeleo.