JAMII YAHIMIZWA KUSHIRIKIANA KATIKA UNYONYESHAJI NA MAKUZI YA MTOTO

Posted on: August 7th, 2025

JAMII YAHIMIZWA KUSHIRIKIANA KATIKA  UNYONYESHAJI NA MAKUZI YA MTOTO

"Juhudi za kumfanya mtoto aweze  kunyonya  na kupata afya bora sio jukumu la mama peke yake, kina baba, jamii na wadau mbalimbali tunapaswa tushirikiane"

Rai hiyo imetolewa na Bi Rose Nyemele muuguzi mkuu wa Manispaa ya Ilemela akimwakilisha mganga mkuu wa Manispaa ya Ilemela katika kilele cha maadhimisho ya wiki ya unyonyeshaji maziwa ya mama yaliyofanyika katika kituo cha Afya Buzuruga leo Tarehe 07.08.2025.

Akizungumza na kina mama waliokuja kupatiwa huduma ya mama na mtoto katika kituo hicho Bi Rose amewashukuru wazazi, walezi, watoa huduma za afya na wadau mbalimbali kwa ushiriki wao uliopelekea maadhimisho ya wiki ya unyonyeshaji maziwa ya mama kuwa yenye mafanikio.

Bi. Pilli Khasim, Afisa lishe wa manispaa ya Ilemela akisoma taarifa ya unyonyeshaji wa maziwa ya mama amesema kuwa lilikuwa ni kutoa elimu ya unyonyeshaji kwa watu  13,724 ambapo tangu kuanza kwa maadhimisho haya tarehe 01.08.2025 na hadi kufikia kilele leo tarehe 07.08.2025 amesema kuwa watu 13,961 sawa na 102% wamefikiwa, kati yao wakina mama ni 13,961 na wakina baba ni 65 tu

Akizungumza kwa niaba ya wazazi Ndg. Faraji Issa mkazi wa mtaa wa  Ilalila amewashukuru wataalam kwa kutoa elimu ya unyonyeshaji maziwa ya mama  na pia amewahimiza kina baba wenzake kuwa mstari wa mbele kuwasaidia kina mama katika malezi ya watoto pamoja na kuhudhuria mafunzo na huduma mbali mbali za kiafya zinazotolewa kwa watoto.

Maadhimisho haya ya wiki ya unyonyesha wa maziwa ya mama ni ya 33 tangu kuanzishwa kwake na kauli mbiu ya mwaka huu ni “Thamini unyonyeshaji, weka mazingira wezeshi kwa mama na mtoto”