ILEMELA YADHAMIRIA KUBORESHA MASOKO NA MINADA

Posted on: June 19th, 2024

Mkuu wa Wilaya ya Ilemela Mhe.Hassan Elias Masala amefanya kikao kazi na watendaji wa kata,viongozi wa masoko na minada wa Manispaa ikiwa ni sehemu ya kupata maoni na mawazo ya namna bora zaidi ya kuhakikisha wafanyabiashara wote wa Manispaa ya Ilemela wananufaika na biashara  zao wakiwa maeneo salama.

"Uwepo wa masoko na minada  upo kiutaratibu,zipo sheria zinazotuongoza katika uendeshaji wake na ndio maana biashara hizi ni moja ya vyanzo vya mapato ya ndani ya Manispaa hivyo ni lazima kuweka miundo mbinu rafiki kwa wafanyabiashara wetu." Mhe.Masala

Viongozi hao wamejadili mambo mbalimbali ikiwa ni pamoja na suala la wafanyabiashara wote kurudi maeneo rasmi yaliyotengwa sambamba na kuendelea kuweka mipango mizuri ya uendeshaji wa minada itakayokuwa na tija kwa wote.