Shirika la ICAP lakabidhi pikipi 5 kwa Manispaa ya Ilemela

Posted on: January 20th, 2021

Mkurugenzi wa Manispaa ya Ilemela amepokea jumla ya pikipiki 5 aina ya Boxer 150 kutoka shirika la ICAP kupitia mradi unaojulikana kwa jina la FIKIA  kwa ajili ya kuwafikia watu wanaopata huduma ya kudhibiti maambukizi ya Virusi Vya UKIMWI.

Akikabidhi pikipiki hizo meneja mradi kanda ya Mwanza Bi Mabinza amesema kuwa ICAP imetoa pikipiki hizo ili kuweza kusaidia kufuatilia wateja walio ngazi ya jamii ambao hawajui afya zao na  wanaishi na maambukizi au hapana, pamoja na kuwafuatilia walioacha kutumia dawa za kufubaza makali ya VVU ikiwa ndio lengo kuu la mradi huu wa FIKIA.

Nae Mkurugenzi wa Manispaa ya Ilemela Ndugu John Wanga akipokea pikipiki hizo amesema kuwa ana imani kuwa pikipiki hizo zitawasaidia kufikia walengwa kama mradi wenyewe unavyoitwa FIKIA huku akiahidia kuwa atazisimamia na kufuatilia matumizi yake.

Pamoja na hayo amewataka waliokabidhiwa pikipiki hizo kwenda kuzitumia kwa malengo ambayo yamekusudiwa na sio kuzigeuza kuwa pikipiki za kibiashara na wahakikishe kuwa wanawafikia walengwa. Huku akiongeza kuwa kinyume na hapo hatashindwa kuwachukulia hatua za kinidhamu.