BONANZA LA WATUMISHI WA UMMA ILEMELA LAFANA

Posted on: August 3rd, 2024

 Halmashauri ya Manispaa ya Ilemela imefanya bonanza la watumishi wa umma  lililojumuisha michezo mbalimbali ikiwemo Mpira wa miguu,Mpira wa wavu,Mpira wa Pete,Mpira wa kikapu,karata,drafti,kukimbiza kuku,kujaza maji kwenye chupa na drafti ikiwa ni sehemu ya maandalizi ya michezo ya watumishi wa umma kitaifa (SHIMISEMITA).

Akifungua bonanza hilo mwakilishi wa Mkurugenzi ndugu Egidy Teulas amewataka watumishi kutenga muda kwa ajili ya kufanya mazoezi na kucheza michezo mbalimbali ili kuimarisha afya zao.

" Tunahitaji kushinda katika mashindano haya ya SHIMISEMITA, bila uimara wa miili yetu hatutoweza." Amesema Egidy.

Nae Afisa Michezo wa Manispaa hiyo Bahati Kizito amewashukuru watumishi wote walioshiriki na kuwezesha Manispaa ya Ilemela kupata timu nzuri  za michezo mbalimbali zitakazochuana katika mashindano hayo.

Rosemary Kasanga na  Mecktrida Lyimo ni watendaji wa kata za  Nyasaka na Nyamhongolo wao wanampongeza Mkurugenzi wa Manispaa hiyo kwa kuwezesha kusanyiko hilo ambalo limezidi kuwaleta watumishi pamoja na kukuza mawasiliano baina yao.

Mashindano ya SHIMISEMITA yanatarajia kufanyika kitaifa mkoani Mwanza kuanzia tarehe 24 Agosti hadi tarehe 05 Septemba 2024 yakihusisha Halmashauri zote 185 nchini.