ARUSHA JIJI WATEMBELEA NYAMHONGOLO STENDI

Posted on: September 19th, 2024

Timu ya wataalam na waheshimiwa madiwani kutoka jiji la Arusha wamefanya ziara katika mradi wa stendi ya mabasi na maegesho ya malori uliopo kata ya Nyamhongolo kwa lengo la kujifunza.

"..Lengo la serikali kuzitaka Halmashauri kuibua miradi ya kimkakati ni kukuza vyanzo vya mapato na kuzitoa Halmashauri kwenye utegemezi wa pesa za uendeshaji kutoka serikali kuu.."Amesema James Wembe Meneja wa mradi wa stendi ya Mabasi Nyamhongolo

Aidha wataalam hao wamejifunza mambo mbalimbali ikiwemo ukusanyaji wa mapato wenye tija.

Meya wa Jiji la Arusha Mhe. Maxmillian Matle Iranqhe ameushukuru uongozi wa Manispaa ya Ilemela kwa elimu walioitoa kwao na kuahidi kuifanyia kazi kwa miradi yao inayoendelea .

Akihitimisha ziara hiyo kaimu mstahiki meya wa Halmashauri ya Manispaa ya Ilemela Mhe.Godbless Kisanga ametoa shukrani kwa Rais wa Jamhuri ya Muungano wa Tanzania Mhe.Dkt.Samia Suluhu Hassan kwa uwepo wa stendi hiyo na kwa kuendelea kutoa pesa nyingi kwa ajili ya ukamilishaji na ujenzi wa miradi mbalimbali ya maendeleo huku akiwataka wananchi kumuunga mkono kwa kazi nzuri anayoendelea nayo.